राष्ट्रवादी कॉग्रेस पार्टी खारघर शहर वतीने माथाडी कामगारांचे दैवत स्वर्गीय आण्णासाहेब पाटील यांच्या जयंतीनिमित्तानं विनम्र अभिवादन!

खारघर, दि. २५ सप्टेंबर, २०२०: माथाडी कामगारांचे दैवत, माथाडी चळवळीचे संस्थापक, माथाडी कामगार कायद्याचे जनक स्वर्गीय अण्णासाहेब पाटील यांच्या जयंतीनिमित्त विनम्र अभिवादन राष्ट्रवादी कॉग्रेस पार्टी खारघर शहर यांच्या वतीने नवनिवार्चित खारघर शहर अध्यक्ष सुरेशभाऊ रांजवण खारघर शहर कार्यअध्यक्ष प्रदीप पाटील , अॅड संतोष खोपडे खारघर प्रभारी व पनवेल जिल्हा सहसचिव कृष्णा मर्ढेकर यांनी प्रतिमेस हार घालुन विनम्र अभिवादन केले. यावेळी खारघर शहर अध्यक्ष सुरेशभाऊ रांजवण संबोधित  करताना  माथाडी कामगारांची एकजूट कायम ठेवणं, माथाडींच्या  हक्काची लढाई लढत राहणं, माथाडींना न्याय हक्क मिळवून देत त्यांच्या जीवनात सुधारणा घडवणं, हीच स्वर्गीय आण्णासाहेबांना खरी आदरांजली ठरणार आहे, अशा शब्दात जीवनपट उलघडला आणि स्वर्गीय आण्णासाहेबांचे स्मरण भाऊसाहेब लंबडे राष्ट्रवादी कॉग्रेस पार्टी पनवेल जेष्ठ नागरिक जिल्हा अध्यक्ष म्हणाले की आण्णासाहेबांनी या राज्यातल्या शेतकरी, कष्टकऱ्यांच्या हक्कांची लढाई लढली. माथाडींना संघटीत करुन त्यांच्या श्रमाला मोल आणि समाजात सन्मान मिळवून देण्याचं काम त्यांनी केलं आण्णासाहेबांनी स्थापन केलेल्या महाराष्ट्र राज्य माथाडी, ट्रान्सपोर्ट  जनरल कामगार युनियनला तसेच माथाडींच्या हक्कांसाठी लढणाऱ्या संस्थांना बळ देणं ही आपली सर्वांची जबाबदारी आहे.

यावेळी आर. एन. यादव राष्ट्रवादी कॉग्रेस पार्टी पनवेल जिल्हा उपअध्यक्ष म्हणाले माथाडी कामगारांच्या घरांचा, आरोग्याचा, मुलांच्या शिक्षणाचा, मुलांच्या नोकरीचा प्रश्न सोडवून माथाडी बांधवांचे जीवनमान सुधारण्यासाठी विविध स्तरांवर प्रयत्न सुरु आहेत. करोना संकटकाळात सुरक्षित वातावरण निर्माण करुन देण्यात येत आहे. बेरोजगार तरुणांना व्यवसायासाठी आर्थिक मदत करण्यासाठी आण्णासाहेब पाटील आर्थिक  विकास महामंडळाचे भागभांडवल ४०० कोटीने वाढविण्याचा निर्णय मंत्रिमंडळाने घेतला आहे. आवश्यकतेनुसार माथाडी मंडळाला अधिक निधीही उपलब्ध करुन येणार आहे.

स्वर्गीय आण्णासाहेबांनी माथाडी समाजालाही संघटीत करुन त्यांच्या हक्काचा लढा सुरु केला. आज हा लढा निर्णायक टप्प्यावर आला असताना माथाडी बांधवांनी आपली एकजूट कायम ठेवली पाहिजे. स्वर्गीय आण्णासाहेबांचा लढा हा मराठी बांधवांसाठी, कष्टकरी माथाडींसाठी, समस्त कामगार वर्गाच्या हक्कासाठी होता. त्यांचा लढा, त्यांचे विचार, कार्य पुढं घेऊन जाणं, माथाडी बांधवांची चळवळ भक्कम करणं, स्वर्गीय आण्णासाहेबांना अपेक्षित महाराष्ट्र घडवणं हीच आण्णासाहेबांना खरी श्रद्धांजली ठरेल, अशा शब्दात राष्ट्रवादी कॉग्रेस पार्टी  खारघर शहर यांच्यावतीने अभिवादन केलं. यावेळी प्रमुख पाहुणे भाऊसाहेब लबडे, प्रदीप पाटील कार्यअध्यक्ष, सहसचिव पनवेल जिल्हा व प्रभारी खारघर कृष्णा मर्ढेकर, प्रभाग ५ अध्यक्ष सामाजिक कार्यकते महेशकुमार  राऊत, जिल्हा उपाध्यक्ष आर.  एन. यादव, युवा नेते रोहित जाधव ,  आदेश साळवी, सुनिल  लोखंडे, किरण वाघ, आनंद बोबडे, गौतम तांबे, गणेश काळे गुरसळकर, सचिन नेटके, युसुब पटेल, समीर मोरे , मनोज  वाघमारे, अरूण पवार, किरण चोरगे, कुंडलिक सातपुते, बळीराम सातपुते व सर्व महाविकास आघाडीचे मान्य वर उपस्थित होते.