महिलांसाठी दीपस्तंभ असलेलं व्यक्तिमत्व: साधनाताई संभाजीराव गावडे
अभ्यासू व्यक्तिमत्व, चौफेर विचारशक्ती व खंबीर भूमिका घेऊन काम करत असलेल्या अनेक महिला आज कार्यरत आहेत. मात्र शैक्षणिक, सामाजिक व राजकीय क्षेत्रात आपल्या स्वकर्तृत्वावर वेगळी छाप पाडण्यात यशस्वी ठरलेले व्यक्तिमत्व म्हणजेच ईश्वर कृपा शिक्षण संस्थेच्या सचिव व गुणवरे ता. फलटणच्या मा. सरपंच साधना गावडे यांचा आज दि. २० ऑगस्ट रोजी वाढदिवस साजरा होत आहे त्यानिमित्ताने घेतलेला त्यांच्या चतुरस्त्र व्यक्तिमत्वाचा थोडक्यात आढावा...
असं म्हटलं जातं की कोणत्याही यशस्वी पुरूषाच्या पाठीमागे एक स्त्री असते पण आरटीओ इन्स्पेक्टर संभाजी गावडेसाहेबांच्या बाबतीत मात्र प्रत्येक यशस्वी पुरुषाच्या बरोबरीने एक स्त्री असते असं म्हणावं लागेल. कारण साहेबांच्या पत्नी साधनाताईंचे कर्तृत्व तसचं व्यापक तथा उत्तुंग असं आहे. अर्थात याला साहेबांचा भक्कम पाठिंबा आहे, हेही महत्त्वाचं. अनेकदा स्त्रियांना संधी मिळाली तरीही फार काहीही करता येत नाही पण याउलट साधनाताईंनी आपल्याला मिळालेल्या प्रत्येक संधीचे सोने केले आहे. माझ्या माहितीप्रमाणे साधनाताईंना माहेरुन राजकीय वारसा लाभलेला आहे. त्याची चुणूक त्यांनी पहिल्याच टर्ममध्ये गुणवरे सारख्या फलटण तालुक्यातील सर्वात मोठ्या गावच्या सरपंचपदापर्यंत मजल मारून तालुक्यातील एक उत्कृष्ट महिला सरपंच म्हणून कामगिरी करून दाखवून दिले आहे. ही जबाबदारी त्यांनी अत्यंत सहज व प्रामाणिकपणे बजावलेली आहे. सरपंच पदावर कार्यरत असताना प्रामुख्याने गावामध्ये दारूबंदी करून गोरगरीब महिलांना प्रापंचिक व कौटुंबिक पातळीवर दिलासा देण्याचे काम त्यांनी केले आहे.
तसेच सासरे ईश्वर गावडे यांच्या मार्गदर्शनाखाली त्यांनी ईश्वर कृपा शिक्षण संस्थेची स्थापना करून सन २०१४ साली ब्लुम इंग्लिश मीडियम स्कुल व ज्युनिअर कॉलेजची स्थापना केली. फलटण तालुक्यातील शैक्षणिक क्षेत्रात अल्पावधीतच आपल्या शाळेचा दबदबा निर्माण करण्यात यश प्राप्त केले आहे. आज सदरची शाळा गुणवरे पंचक्रोशीतच नव्हे तर संपूर्ण फलटण तालुक्यातच नावारूपाला आणली आहे. फलटण तालुक्यातील ग्रामीण भागातील विद्यार्थ्यांना दर्जेदार शिक्षण मिळावे यासाठी साधनाताई विशेष परिश्रम या प्रशालेच्या माध्यमातून घेत आहेत. अन् त्यात त्या मोठ्या प्रमाणावर यशस्वी ही झाल्याचे दिसून येत आहे. ग्रामीण भागातील पालकांना जवळच दर्जेदार व खात्रीशीर शिक्षण मिळाल्याने पालकवर्गातून साधनाताईंचे विशेष कौतुक होत आहे. आज ब्लुम इंग्लिश स्कूलमध्ये शेकडो विद्यार्थ्यांना दर्जेदार शिक्षण देण्याचे काम प्राचार्य शेखर गायकवाडसर यांच्या मार्गदर्शनाखाली होत आहे. त्याकामी शाळेतील संपुर्ण स्टाफ व शेखर गावडे यांची विशेष साथ त्यांना लाभलेली आहे. शाळेत विविध उपक्रम राबविण्यात येत असुन सुसंस्कृत विद्यार्थी कसा घडेल याकडे काटेकोरपणे लक्ष दिले जाते. सर्व बाबींवर साधनाताईंचे विशेष लक्ष असते. सुसज्ज इमारत, डिजिटल तंत्रज्ञानयुक्त शिक्षण व शहरी भागातील विद्यार्थ्यांना मिळत असलेल्या सर्व सुविधा गुणवरेत खुपच कमी खर्चात सामाजिक भावनेने त्यांच्या शाळेच्या माध्यमातून दिल्या जात आहेत.
साधनाताईंच्या आजवरच्या वाटचालीत त्यांचे आदरणीय आई-वडील, सासु-सासरे, बंधु व विशेषत: पती आरटीओ इन्स्पेक्टर संभाजीराव गावडेसाहेब यांचे खुप मोठे सहकार्य लाभले आहे.
साधनाताईंना वाढदिवसाच्या हार्दिक शुभेच्छा त्यांना निरोगी दिर्घायुष्य व उज्ज्वल भविष्यासासाठी खुप खुप सदिच्छा व शुभेच्छा...
विठ्ठल पडर
9422338490
कोणत्याही टिप्पण्‍या नाहीत